चिपळूण: शहरातील सती परिसरात असलेल्या रॉयल इनफिल्ड शोरूममधून एका बुलेट मोटरसायकलची चोरी झाल्याची घटना समोर आली आहे. ही घटना ४ जुलै रोजी मध्यरात्री २ ते ३ वाजण्याच्या सुमारास घडली असून, याप्रकरणी चिपळूण पोलीस ठाण्यात गुन्हा दाखल करण्यात आला आहे.
या प्रकरणी फिर्याद सर्वेश उमेश साळंखे (वय २२, रा. मार्कडी, गुलमोहर अपार्टमेंट, रूम नं. १०२, ता. चिपळूण) यांनी दिली असून, त्यांनी सांगितले की, शोरूममध्ये काम करणाऱ्या सुरज सनील चव्हाण (रा. मार्ग ताम्हाणे) यांनी त्यांच्या ताब्यातील MH-08-AW-7071 या क्रमांकाची काळ्या रंगाची रॉयल इनफिल्ड क्लासिक मोटरसायकल सर्विसिंगसाठी शोरूममध्ये ठेवली होती.
मात्र, २६ वर्षीय आरोपी मारुती आत्माराम मेस्त्री (रा. नागवे, ता. चिपळूण) याने फिर्यादी यांची कोणतीही संमती न घेता लबाडीच्या इराद्याने सदर मोटरसायकल चोरून नेली. चोरी झालेल्या बुलेटची अंदाजे किंमत १,२०,००० रुपये इतकी आहे.
या घटनेची नोंद करण्यात आली आहे. सदर गुन्ह्याची नोंद १४ जुलै रोजी पहाटे १.५८ वाजता करण्यात आली असून पोलीस अधिक तपास करत आहेत.
