संगमेश्वर/एजाज पटेल: कोकणातील शिमगोत्सव म्हणजे केवळ सण नव्हे, तर देवीवरील अखंड श्रद्धा, भक्तिरस आणि सामूहिक एकात्मतेचा जिवंत सोहळा. यंदा संगमेश्वर नगरीत हा भक्तिमय सोहळा अत्यंत उत्साहात पार पडला, जणू संपूर्ण गाव देवीच्या दर्शनासाठी न्हालेल्या भक्तांच्या प्रार्थनेच्या महासागरात बुडालं होतं.ढोल-ताशांचा गर्जना, पिपाणीच्या सुरांचे संगीत, गुलालाची रंगीबेरंगी उधळण आणि फटाक्यांची आतषबाजी—या सर्वांनी वातावरण भक्तिरसाने परिपूर्ण केले. भक्तांनी जयघोष करत “हुरारे हूरा… आमच्या निनावी देवीचा तुरा रे तुरा !” असे घोष करीत आसमंत गगनदुमाला गाजवलं.देवीच्या माडांवर झेलवत, तालासुरात नाचणारे तरुण, महिला, वृद्ध आणि बालक—सर्वच भक्त भक्तिरंगात रंगून, देवीच्या चरणी समर्पित झाले होते. प्रत्येक डोळा श्रद्धेने भरलेला आणि प्रत्येक ओठ जयघोष करताना, भक्तांमध्ये देवीवरील अपार श्रद्धेचा अनुभव जाणवला. भक्तांनी हा पवित्र अनुभव आपल्या भ्रमणध्वनीत टिपण्याचा प्रयत्न केला, पण भाविकांचे मन हे दृश्य केवळ भावनेतूनच अनुभवू शकते असे जाणवले.महामार्गावरील वाहनचालकांनीही वाहने थांबवून, देवीच्या भक्तिरसात सामील होऊन प्रार्थनेचा आनंद अनुभवला. गर्दीच्या लोंढ्यातही शिस्त आणि भक्तिभावाचा सुंदर संगम पाहायला मिळाला. पोलीस निरीक्षक राजाराम चव्हाण यांच्या मार्गदर्शना खाली , उपं निरीक्षक गावीत, हेड कॉन्टेबल किशोर ज्योशी, हेड कॉनस्टेबल विनय मनवळ,हेड कॉन्स्टेबल चेतन उत्तेकर आदी पोलीस अधिकारी आणि कर्मचारी तसेच पुरुष आणि महिला होमगार्ड वाहतूक सुरळीत ठेवत होते त्या मुळे भक्तांचे सुरळीत दर्शन शक्य केले.मानकरी दत्ताराम उर्फ बावा सुर्वे आणि जयेंद्र सुर्वे यांनी आपल्या पूर्वजांच्या परंपरांचा जप करत भक्तांमध्ये श्रद्धेचा संदेश पसरवला. कोकणच्या मातीत रुजलेल्या परंपरा, देवीवरील श्रद्धा, आणि सामूहिक भक्तिरस यांचे सुंदर दर्शन या शिमगोत्सवात घडले.कोकणच्या मातीत रुजलेल्या परंपरा, देवीवरील अखंड श्रद्धा, आणि सामूहिक भक्तिरस यांचे सुस्पष्ट दर्शन घडवणारा हा होलिकोत्सव संगमेश्वरच्या इतिहासात सुवर्णाक्षरांनी नोंदवला जाईल, अशी भक्तांची भावना होती. उपस्थितांनी प्रार्थना केली की, निनावी देवीच्या कृपेने गावावर सुख, शांती, समृद्धी आणि पवित्रतेचा वर्षाव व्हावा. या भक्तिमय सोहळ्याने संपूर्ण नगरीला देवीच्या आशीर्वादाची अनुभूती देत जल्लोषात संपन्नता प्राप्त केली.
Notification
