संगमेश्वर: देवरूख-पांगरी येथे पायवाटेशेजारी आज सकाळी एका बिबट्याचा मृतदेह आढळल्याने परिसरात खळबळ उडाली आहे. मानवी वस्तीजवळ बिबट्याचा वावर असल्याने स्थानिकांमध्ये भीतीचे वातावरण निर्माण झाले आहे.
आज सकाळी ग्रामस्थांना हा बिबट्या मृतावस्थेत आढळल्यानंतर त्यांनी तात्काळ वनविभागाला याची माहिती दिली. माहिती मिळताच वनविभागाचे कर्मचारी घटनास्थळी दाखल झाले आणि त्यांनी पाहणी केली. प्राथमिक अंदाजानुसार, भुकेमुळे बिबट्याचा मृत्यू झाला असावा असा कयास व्यक्त केला जात आहे.
देवरूख येथील वन विभागाच्या अधिकाऱ्यांनी पुढील कार्यवाहीसाठी मृत बिबट्याला देवरूख येथे नेले आहे. बिबट्याचा मानवी वस्तीजवळ वाढलेला वावर पाहता, ग्रामस्थांमध्ये सध्या चिंतेचे आणि भीतीचे वातावरण आहे. वनविभागाने याबाबत योग्य ती उपाययोजना करावी अशी मागणी स्थानिकांकडून होत आहे.
