रामदास आठवले यांनी सलग 7 वर्षे वन्यप्राणी योजनेतून बिबळ्या वाघ पँथर दत्तक घेण्याचा केला विक्रम

मुंबई: पब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी बोरिवली येथील संजय गांधी राष्ट्रीय उद्यानात वन्यप्राणी दत्तक योजनेतून बिबळ्या वाघ पँथर दत्तक घेतला.

वन्यप्राणी योजनेतून सलग 7 वर्षे बिबळ्या वाघ दत्तक घेण्याचा विक्रम रामदास आठवले यांनी केला.

नॅशनल पार्क मधील बिबळ्या वाघ पँथर सोबत दलित पँथर रामदास आठवले यांना पाहून उपस्थितांना नेत्रसुखद अनुभव लाभला. मूळचे दलित पँथर चळवळीचे पँथर रामदास आठवले हे समग्र आंबेडकरी चळवळीला भावलेले नेतृत्व आहे. रामदास आठवले यांनी ही आपल्या मनात दलित पँथर चळवळ जोपासली असून पुन्हा नव्याने दलित पँथर उभी करण्याचा त्यांचा मानस आहे. दलित पँथर रामदास आठवले यांचे हे पँथर प्रेम दलित पँथर चळवळीवरील अतूट प्रेमाचे प्रतीक आहे. तसेच ते वन्यप्राण्यांचे संरक्षण करा; मुक्या प्राण्यांवर प्रेम करा वन्य जीवांचे रक्षण करून निसर्गातील अन्नसाखळी अवधीत ठेवण्याचे;निसर्गावर प्राणिमात्रांवर प्रेम करण्याचा संदेश देण्यासाठी आठवले दरवर्षी पँथर दत्तक घेतात.

बिबळ्या वाघ दत्तक योजनेत वर्षभरासाठी 1 लाख 20 हजार रुपये खर्च येतो. हा खर्च दरवर्षी रामदास आठवले हे वनविभागाला सुपूर्द करत असतात.

पँथर रामदास आठवले यांनी दत्तक घेतलेल्या बिबळ्या वाघ पँथरचे नाव सिंबा ठेवण्यात आले आहे. पँथर रामदास आठवलेंचा आवाज दत्तक घेतलेला सिंबा हा पँथर ओळखतो की काय असे आश्चर्य वाटावे असे नेहमी आठवलेंनी सिंबाला आवाज दिल्यावर पँथर सिंबा थांबतो. त्यांच्याजवळ येतो. पँथरचे पँथरशी असलेले प्रेम पाहून उपस्थित भारावून जातात, अशी माहिती प्रत्यक्षदर्शी हेमंत रणपिसे यांनी दिली आहे.