जी.जी.पी.एस च्या विद्यार्थ्यांनी दिली टिळक स्मारकाला भेट

रत्नागिरी : १ ऑगस्ट रोजी लोकमान्य टिळकांची १०६ वी पुण्यतिथी पार पडली. त्यानिमित्त जी.जी.पी.एसच्या ‘स्वामी स्वरूपानंद प्री प्रायमरी’ विभागाच्या मुलांनी लोकमान्य टिळकांच्या स्मारकाला म्हणजेच त्यांच्या जन्मस्थानाला भेट दिली. टिळकांच्या या घरातील बर्‍याच गोष्टी या घराला जिवंतपणा देतात. त्यांच्या कार्याची प्रेरणा मुलांनी लहान वयातच घेऊन पुढील वाटचाल करावी हा या  उपक्रमाचा हेतू होता आणि पालकांच्या सहकार्याने या उपक्रमाला चांगले यश मिळाले व कौतुकाची थापही पालकांकडून मिळाली.

टिळकांच्या स्मरणात विद्यार्थ्यांनी तिथे त्यांची काही गीते गायली. आपल्या सर्वांनाच खरंतर ही अभिमानाची गोष्ट आहे की आपण टिळकांसारख्या थोर व्यक्तीच्या जन्मभूमीवर राहत आहोत. विद्यार्थ्यांनी या उपक्रमाचा आनंद घेतला. या उपक्रमासाठी शाळेच्या मुख्याध्यापिका सौ.सोनाली पाटणकर,प्राथमिक विभागाच्या सौ.अपूर्वा मुरकर, प्री प्रायमरी विभागाच्या सौ. शुभदा पटवर्धन, शिक्षक आणि शिक्षकेत्तर कर्मचारी या सर्वांचेच सहकार्य लाभले.