संगमेश्वर : तालुक्यातील आंबवली येथे बुधवारी (ता. १२) सकाळी शेकोटी घेताना गाऊनला आग लागल्याने एक महिला गंभीर भाजल्याची घटना घडली. मुमताज मुनवर पाटणकर (वय ५२, रा. आंबवली, देवरुख) असे भाजलेल्या महिलेचे नाव आहे.
घराजवळ पाला-पाचोळा गोळा करून त्या शेकोटी घेत होत्या, त्यावेळी त्यांच्या कपड्यांना आग लागली. यात त्या ६० टक्के भाजल्या. त्यांना जिल्हा शासकीय रुग्णालयात उपचारासाठी दाखल करण्यात आले. मात्र प्रकृती गंभीर असल्याने पुढील उपचारासाठी त्यांना कोल्हापूर येथे हलविण्यात आले असल्याची माहिती पोलिसांनी दिली
