गाव विकास समितीचे अध्यक्ष उदय गोताड यांचे मतदारांना आवाहन
देवरुख:- गाव विकास समिती व आम आदमी पार्टी युतीचे नगरसेवक पदाचे प्रभाग क्रमांक ११ चे उमेदवार सचिन आपिष्टे यांना तेथील स्थानिक जनतेने निवडून द्यावे. गाव विकास समिती व आम आदमी पार्टीचे नगरसेवक नगरपंचायत सभागृहात गेले तर ते जनतेचा आवाज म्हणून काम करतील व लोकांच्या हिताचे व्हिजन राबवतील असा विश्वास गाव विकास समितीचे अध्यक्ष उदय गोताड यांनी व्यक्त केला आहे.
गाव विकास समिती व आम आदमी पार्टीच्या वतीने युतीचे नगरसेवक पदाचे जे उमेदवार मैदानात आहेत त्यांना निवडून दिल्यास जनतेला अपेक्षित असणारा विकास घडेल असे उदय गोताड यांनी म्हटले आहे. त्या प्रभागातील जनतेने सचिन आपिष्टे व नगराध्यक्ष पदाच्या उमेदवार सौ दिक्षा रविंद्र खंडागळे यांना त्यांच्या प्रभागातून मताधिक्य द्यावे असे आवाहन गाव विकास समितीचे अध्यक्ष उदय गोताड यांनी केले आहे.
