मुंबई : राजा शिवाजी हा रितेश देशमुख दिग्दर्शित आणि अभिनीत चित्रपट 1 मे रोजी चित्रपटगृहांत प्रदर्शित झाला असून, रिलीजच्या पहिल्या दिवसापासूनच बॉक्स ऑफिसवर दमदार कामगिरी करत आहे.या चित्रपटाने तीन दिवसांत भारतात 33.90 कोटी रुपये कमावले आहे.
अहवालानुसार, “राजा शिवाजी”ने पहिल्या दिवशी भारतात 11.35 कोटी रुपयांची कमाई करत ओपनिंग केली. दुसऱ्या दिवशी चित्रपटाने 10.55 कोटी रुपये कमावले, तर तिसऱ्या दिवशी 12 कोटी रुपयांची कमाई केली. यामुळे चित्रपटाचे एकूण इंडिया नेट कलेक्शन 33.90 कोटी रुपये झाले आहे.वर्ल्डवाइड कलेक्शनबाबत बोलायचे झाल्यास, या चित्रपटाने तीन दिवसांत एकूण 40.34 कोटी रुपयांची कमाई केली आहे.चौथ्या दिवसाचे आकडे अद्याप समोर आलेले नाहीत.
“राजा शिवाजी” हा 2026 मधील भारतीय ऐतिहासिक अॅक्शन ड्रामा चित्रपट असून, मराठा साम्राज्याचे संस्थापक छत्रपती शिवाजी महाराज यांच्या जीवनावर आधारित आहे. या चित्रपटाचे लेखन व दिग्दर्शन रितेश देशमुख यांनी सहलेखनासह केले आहे. चित्रपटाची निर्मिती जेनेलिया देशमुख आणि ज्योती देशपांडे यांनी मुंबई फिल्म कंपनी आणि जिओ स्टुडिओज यांच्या बॅनरखाली केली आहे.
या चित्रपटात संजय दत्त, अभिषेक बच्चन, महेश मांजरेकर, सचिन खेडेकर, भाग्यश्री, फरदीन खान, जितेंद्र जोशी, अमोल गुप्ते आणि जेनेलिया देशमुख यांच्यासह रितेश देशमुख मुख्य भूमिकेत दिसत आहेत.
