देवरूख येथील जिल्हास्तरीय तायकाँदो स्पर्धेत कांगणे भगिनींचे यश: ईश्वरी आणि रीतिशा कांगणे यांनी मिळवली पदके

देवरूख: येथील जिल्हास्तरीय अजिंक्यपद तायकाँदो क्युरोगी व पुमसे स्पर्धा १०, ११ व १२ जुलै २०२६ या कालावधीत उत्साहात पार पडली. या स्पर्धेत सहभागी झालेल्या ईश्वरी मंगेश कांगणे आणि रीतिशा संजय कांगणे या दोन खेळाडूंनी आपल्या उत्कृष्ट खेळाच्या जोरावर देवरूखचे नाव उंचावले आहे.

ईश्वरी मंगेश कांगणे हिने फ्री स्टाईल पुमसे ग्रुप कॅडेट कॅटेगरीमध्ये रौप्य पदक पटकावले, तसेच तायकाँदो फाईट कॅडेट कॅटेगरीमध्ये ५९ किलोपेक्षा जास्त वजनी गटात तिने रौप्य पदकाची कमाई केली. स्पर्धेत सातत्यपूर्ण कामगिरी करत तिने दोन पदके आपल्या नावे केली आहेत. त्याचप्रमाणे, रीतिशा संजय कांगणे हिने तायकाँदो फाईट सब ज्युनिअर कॅटेगरीमधील अंडर २४ किलो वजनी गटात चमकदार कामगिरी करत सुवर्ण पदक जिंकले.

या स्पर्धांमधील या यशामुळे खेळाडूंचे सर्वस्तरातून अभिनंदन होत असून, प्रशिक्षक व पालकांनी त्यांच्या या कामगिरीबद्दल समाधान व्यक्त केले आहे. स्पर्धेतील या कामगिरीने खेळाडूंचा आत्मविश्वास वाढला असून, भविष्यात राज्य व राष्ट्रीय स्तरावरही अशाच प्रकारचे यश संपादन करण्याचा निर्धार त्यांनी व्यक्त केला आहे.कोच स्वप्नील दांडेकर, सुमित पवार,मयुरी राऊत, प्रशिक्षक शशांक घडशी अन्य समस्त देवरुख अकॅडमी खेळाडू यांचे मार्गदर्शन लाभले.