सावर्डे : गोविंदराव निकम माध्यमिक व उच्च माध्यमिक विद्यालयात महात्मा ज्योतिबा फुले स्मृतिदिन अत्यंत श्रद्धाभावाने साजरा करण्यात आला. कार्यक्रमाच्या प्रारंभी महात्मा फुले यांच्या प्रतिमेचे पूजन विद्यालयाचे प्राचार्य राजेंद्र वारे यांनी केले.
कार्यक्रमाचे सूत्रसंचालन इयत्ता सातवी (ड) मधील कुमारी अनघा कांबळे हिने केले. विद्यार्थी मनोगतात कुमारी कोमल सावंत व कुमारी सानिका खरात (इयत्ता सातवी ड) यांनी महात्मा ज्योतिबा फुले यांच्या जीवनकार्य, विचार आणि समाजासाठी केलेल्या योगदानाविषयी माहिती सांगितली.
शिक्षक मनोगतात सहाय्यक शिक्षक गणेश बागवे व अमृता घाडगे यांनी फुले यांचे बालपण, शिक्षण, सत्यशोधक समाजाची स्थापना, महिलाशिक्षणासाठी केलेले pioneering कार्य, सामाजिक सुधारणा आणि त्यांच्या साहित्यिक योगदानाची सविस्तर माहिती विद्यार्थ्यांसमोर ठेवली. शेतकऱ्यांचा आसूड या ग्रंथाच्या माध्यमातून समाजातील अज्ञान, दारिद्र्य व जातिभेद यावर त्यांनी प्रखर प्रहार केला असल्याचेही त्यांनी सांगितले.
पुण्यात बुधवार पेठ येथील भिडे वाड्यात महाराष्ट्रातील पहिली मुलींची शाळा सुरू करून शिक्षिकेची जबाबदारी सावित्रीबाई फुले यांच्यावर सोपवून महात्मा फुले यांनी स्त्रीशिक्षणाची भक्कम पाया रचला. जातीभेदाच्या निर्मूलनासाठी, दुर्बल व मागास घटकांच्या उन्नतीसाठी आणि सामाजिक प्रबोधनासाठी त्यांनी आयुष्य वाहिले. त्यांच्या कार्याची दखल घेऊन 1888 साली मुंबईतील सभेत त्यांना ‘महात्मा’ ही उपाधी देण्यात आली.
अध्यक्षीय मनोगतात प्राचार्य वारे यांनी महात्मा फुले यांच्या कार्याचा उजाळा देत विद्यार्थ्यांनीही या महान सुधारकांच्या विचारांपासून प्रेरणा घेऊन आपल्या आयुष्यात सकारात्मक बदल घडवावेत, असे आवाहन केले.
कार्यक्रमाचा समारोप आभार प्रदर्शनाने झाला, जे कुमारी कोमल सावंत (इयत्ता सातवी ड) हिने केले.
