GRAMIN SEARCH BANNER

ब्रेकिंग : रायपाटणजवळ गणेश कृपा हॉटेलला भीषण आग; हॉटेल जळून खाक

Gramin Varta
340 Views

तुषार पाचलकर / राजापूर

रायपाटण ग्रामीण रुग्णालयाजवळ असलेल्या गणेश कृपा हॉटेलमध्ये रविवारी सायंकाळी सुमारे साडेपाच वाजता आग भडकली आणि काही मिनिटांतच संपूर्ण हॉटेल ज्वाळांच्या तावडीत सापडले. ही आग शॉर्टसर्किटमधून लागल्याचा प्राथमिक अंदाज व्यक्त केला जात आहे.

सदानंद महादेव गोडेकर हे हॉटेल मालक त्या वेळी काही कामानिमित्त पाचलकडे गेले होते. ते परत येताना हॉटेलकडे धुराचे लोट उठताना दिसताच त्यांनी तत्काळ दरवाजा उघडला; पण आतमध्ये प्रचंड ज्वाळांनी थैमान घातलेले दिसले. हॉटेल बंद असल्याने सुरुवातीची आग कोणालाही लक्षात आली नव्हती.

धूर दिसताच आसपासच्या नागरिकांनीही घटनास्थळी धाव घेतली आणि आग आटोक्यात आणण्याचा प्रयत्न सुरू केला. ग्रामस्थांनी हॉटेलमधील एक भरलेला आणि दोन रिकामे गॅस सिलेंडर बाहेर काढून संभाव्य स्फोटाचा धोका टाळला. मात्र आग इतक्या वेगाने पसरली की किराणा साहित्य, औषधे, कपडे, अंथरूण, तसेच गोडेकर रहात असलेली व्यक्तिगत सामग्री सगळंच राख झालं.

दरम्यान, घटनेची माहिती मिळताच रायपाटण पोलीस दूरक्षेत्राचे सहाय्यक पोलीस उपनिरीक्षक कमलाकर पाटील आणि कर्मचारी रामदास पाटील तातडीने तेथे पोहोचले. त्यानंतर रात्री राजापूर नगर परिषदेच्या अग्निशमन दलाची गाडी घटनास्थळी दाखल होऊन आगीवर नियंत्रण मिळवण्यात आले.

हॉटेल पूर्णपणे जळून खाक झाल्याने एकूण नुकसानीचा अंदाज अद्याप स्पष्ट नाही.

Total Visitor Counter

2862310
Share This Article