माचाळ येथे बस कलंडली; ३० ते ३५ प्रवासी सुखरूप

लांजा/अरबाज नेवरेकर: तालुक्यातील माचाळ येथे रविवारी सायंकाळी सुमारे ६.३० वाजण्याच्या सुमारास  बस (क्र. एमएच ०८ ई ९४१२) कलंडल्याची घटना घडली. बसमध्ये सुमारे ३० ते ३५ प्रवासी होते. सुदैवाने या अपघातात कोणतीही जीवितहानी झाली नाही.

घटनेची माहिती मिळताच लांजा पोलीस निरीक्षक निलकंठ बगळे यांच्या मार्गदर्शनाखाली पोलीस हवालदार उर्मिला शिडे, नयना राणे व विष्णू मांजरेकर यांनी तातडीने घटनास्थळी धाव घेतली. पोलिसांनी परिस्थितीची पाहणी करून प्रवाशांना मदत करत आवश्यक कार्यवाही केली.

या अपघातात कोणतीही जीवितहानी झाली नसल्याने मोठा अनर्थ टळला. बस कलंडण्याचे नेमके कारण अद्याप स्पष्ट झाले नसून अधिक तपास सुरू आहे.घटनेची माहिती महेश पाटील यांनी लांजा पोलीस स्थानक येथे दिली.