चिपळूण: स्प्रिंग स्किन अँड कॉस्मेटोलॉजी लेसर क्लिनिकची तंत्रज्ञान क्षेत्रात भरारी

चिपळूण (प्रतिनिधी) : त्वचाविकार आणि सौंदर्यशास्त्र क्षेत्रातील कोकणातील अग्रगण्य स्प्रिंग स्किन अँड कॉस्मेटोलॉजी लेसर क्लिनिकमध्ये अमेरिकन तंत्रज्ञानावर आधारित अत्याधुनिक ‘टोटल स्काल्प अँड फेस अॅडव्हान्स्ड एआय अॅनॅलायझर’ रुग्णसेवेसाठी उपलब्ध करण्यात आला आहे. या नव्या तंत्रज्ञानामुळे त्वचा, केस आणि टाळूशी संबंधित विविध समस्यांचे अधिक सखोल व वैज्ञानिक पद्धतीने डिजिटल विश्लेषण करणे शक्य होणार आहे.

उच्च-रिझोल्यूशन मायक्रोस्कोपिक कॅमेरा आणि कृत्रिम बुद्धिमत्ता तंत्रज्ञानाने सुसज्ज असलेली ही प्रणाली व्हाईट, पोलराइज्ड आणि अल्ट्राव्हायोलेट प्रकाशाच्या साहाय्याने त्वचा व केसांमधील सूक्ष्म बदलांचे परीक्षण करते. यामध्ये केसांची मुळे, टाळूची स्थिती, केसांची घनता व जाडी तसेच त्वचेच्या आरोग्याचे सविस्तर विश्लेषण केले जाते.

केस गळती, कोंडा, टाळूवरील अतिरिक्त तेलकटपणा किंवा कोरडेपणा, बंद झालेले हेअर फॉलिकल्स, टाळूवरील दाह व लालसरपणा, नवीन केसांची वाढ आणि केस पातळ होण्याची प्रवृत्ती यांसारख्या बाबींचे निरीक्षण या तंत्रज्ञानाच्या माध्यमातून करता येते. तपासणीनंतर रुग्णाला केसांची घनता, टाळूच्या आरोग्याची स्थिती आणि केस गळतीशी संबंधित निरीक्षणांचा डिजिटल अहवाल उपलब्ध करून दिला जातो. उपचार सुरू करण्यापूर्वी आणि उपचारानंतरच्या स्थितीची तुलना करण्यासाठी डिजिटल छायाचित्रे व विश्लेषणाची सुविधाही उपलब्ध आहे.

याबाबत त्वचाविकार व लेसर उपचारतज्ज्ञ डॉ. यतिन जाधव यांनी सांगितले की, केस गळती किंवा त्वचेच्या समस्या गंभीर होण्याची प्रतीक्षा न करता सुरुवातीच्या टप्प्यात अचूक स्थिती समजणे महत्त्वाचे आहे. आधुनिक तंत्रज्ञानाच्या मदतीने रुग्णांना अधिक गुणवत्तापूर्ण सेवा देण्याचा प्रयत्न असल्याचे त्यांनी स्पष्ट केले.

दरम्यान, हे उपकरण वैद्यकीय निदान प्रक्रियेला पूरक असून अंतिम निदान आणि उपचारांचा निर्णय तज्ज्ञ डॉक्टरांच्या प्रत्यक्ष तपासणीनंतरच घेतला जातो, असेही क्लिनिककडून स्पष्ट करण्यात आले आहे.

स्प्रिंग स्किन अँड कॉस्मेटोलॉजी लेसर क्लिनिकमध्ये त्वचा आणि केसांसाठी विविध आधुनिक उपचार सुविधा यापूर्वीपासून उपलब्ध आहेत. आता एआय आधारित या अत्याधुनिक विश्लेषण प्रणालीची भर पडल्याने कोकणातील नागरिकांना त्वचा, केस आणि टाळूच्या समस्यांचे अधिक आधुनिक पद्धतीने परीक्षण करून घेण्याची सुविधा उपलब्ध झाली आहे.

स्प्रिंग स्किन अँड कॉस्मेटोलॉजी लेसर क्लिनिक, जेड गार्डन, ‘स्वरविहार’ गृहसंकुल, पिंपळ गणेश मंदिराजवळ, खेंड, चिपळूण येथे ही सुविधा उपलब्ध आहे.