लांजा : वेरळ उपसरपंचपदी इक्बाल टोळे यांची बिनविरोध निवड

लांजा/अरबाज नेवरेकर: लांजा तालुक्यातील वेरळ ग्रामपंचायतीच्या उपसरपंचपदी इक्बाल टोळे यांची बिनविरोध निवड करण्यात आली. ग्रामपंचायतीच्या उपसरपंचपदासाठी झालेल्या निवड प्रक्रियेत त्यांची बिनविरोध निवड झाली. या निवडीमुळे ग्रामपंचायतीच्या कामकाजाची जबाबदारी आता त्यांच्या खांद्यावर आली आहे.

इक्बाल टोळे हे ग्रामपंचायत सदस्य म्हणून कार्यरत असून, ग्रामविकासाच्या विविध कामांमध्ये त्यांचा सहभाग राहिला आहे. उपसरपंचपदाची जबाबदारी मिळाल्यानंतर गावातील विकासकामांना चालना देण्यासाठी तसेच ग्रामस्थांच्या विविध प्रश्नांना प्राधान्य देऊन काम करण्याचा मानस व्यक्त करण्यात आला.

इक्बाल टोळे यांच्या बिनविरोध निवडीचे ग्रामस्थ आणि ग्रामपंचायत सदस्यांकडून स्वागत करण्यात आले. निवडीनंतर त्यांचे अभिनंदन करून पुढील कार्यकाळासाठी शुभेच्छा देण्यात आल्या.

यावेळी शिवसेना तालुकाप्रमुख गुरुप्रसाद देसाई, उपतालुकाप्रमुख सुजित आंबेकर, पंचायत समिती सदस्या दिपाली साळवी, शिवसेनेचे शरद अण्णा चरकरी, सरपंच सुवर्णा जाधव, ग्रामपंचायत सदस्य साईजिन टोळे, महेश गुंड्ये, अनघा पष्टे, पानकर मॅडम, माजी सरपंच सुप्रिया चव्हाण, मंगेश डाकवे तसेच बशीर वनू, नुरा टोळे, नईम टोळे आदी मान्यवर उपस्थित होते. सर्वांनी इक्बाल टोळे यांचे अभिनंदन करून त्यांच्या भावी वाटचालीस शुभेच्छा दिल्या.