रत्नागिरी: नव्या घरांना ग्रामपंचायतीतून परवानगी मिळण्याबाबतचे निवेदन राज्यमंत्री योगेश कदम यांना देण्यात आले.
शासनाच्या काही नियमांचा ग्रामीण भागातील जनतेला मोठा त्रास सहन करावा लागतो.
सामान्य माणूस अशा नियमांची पूर्तता करताना मेटाकुटीस येतो. गावात नवीन घर बांधताना काही कार्यालयांच्या परवानग्या घेण्यासाठी होणारा त्रास आणि जाणारा पैसा लक्षात घेऊन ग्रामपंचायत अखत्यारीत नवीन घर बांधताना पुर्वीप्रमाणेच ग्रामपंचायतीकडूनच परवानगी मिळावी, अशी मागणी होत आहे. या मागणीचे निवेदन गृहराज्य मंत्री योगेश कदम यांना कोकण कृषी विद्यापीठ कार्यकारी परिषद सदस्य सुनील दळवी यांनी दिले आहे.
एखाद्या योजनेतील घरकुल बांधताना कोणतीही नवीन परवानगी लागत नाही. मात्र स्वखर्चाने घर बांधायचे असेल, तर परवानग्या घ्याव्या लागतात. हीच बाब श्री. दळवी यांनी गृहराज्यमंत्री योगेश कदम यांना निवेदन देऊन व चर्चा करून पटवून दिली.नगरपालिका, महापालिकांना असणारे नियम ग्रामीण भागातील ग्रामपंचायतीला न लावता नवीन घर बांधताना ग्रामपंचायतींना पूर्वीसारखेच नियमांचे पालन करून परवानगी देण्याचे अधिकार द्यावेत, अशी मागणी करण्यात आली आहे.
रत्नागिरी : नव्या घरांना ग्रामपंचायतीतून परवानगी मिळण्याबाबत गृहराज्य मंत्री योगेश कदम यांना निवेदन
