ग्रामस्थांनी मानले जाकीर शेकासन यांचे आभार!
संगमेश्वर (प्रतिनिधी): चिपळूण-संगमेश्वर विधानसभा मतदारसंघाचे आमदार शेखर निकम यांच्या विकास निधीतून संगमेश्वर तालुक्यातील कोंडिवरे येथे प्रवाशांच्या सुविधेसाठी ‘पिक-अप शेड’चे काम युद्धपातळीवर सुरू झाले आहे. गेल्या अनेक दिवसांपासूनची ही मागणी पूर्ण झाल्याने परिसरात समाधान व्यक्त होत आहे.
या कामासाठी राष्ट्रवादी काँग्रेस अल्पसंख्याक सेलचे रत्नागिरी जिल्हाध्यक्ष जाकीर शकासन यांनी आमदार निकम यांच्याकडे सातत्याने पाठपुरावा केला होता. त्यांच्या या प्रयत्नांना यश आले असून, आता प्रवाशांना ऊन आणि पावसापासून संरक्षण मिळणार आहे.
आमदार शेखर निकम यांच्या माध्यमातून मतदारसंघात सुरू असलेल्या विकासकामांच्या मालिकेमुळे ग्रामस्थांमध्ये उत्साहाचे वातावरण आहे. कोंडिवरे येथील या कामाबद्दल स्थानिक नागरिक आणि प्रवाशांनी आमदार निकम आणि झाकीर शकासन यांचे विशेष आभार मानले आहेत.
