रत्नागिरी : रेल्वेतून पडून तरुणाचा मृत्यू

रत्नागिरी : रत्नागिरी तालुक्यातील पोमेंडी गावाजवळील रेल्वे बोगद्यातून प्रवासादरम्यान रेल्वेतून पडून एका नेपाळी तरुणाचा दुर्दैवी मृत्यू झाल्याची घटना शनिवारी (११ जुलै) सकाळी उघडकीस आली. या घटनेची नोंद रत्नागिरी ग्रामीण पोलीस ठाण्यात आकस्मिक मृत्यू म्हणून करण्यात आली असून पोलीस अधिक तपास करीत आहेत.

पोलिसांकडून मिळालेल्या माहितीनुसार, सादिक अली सिद्धीकी (वय ३२, रा. आरोही, जिल्हा दाङ, नेपाळ) असे मृत तरुणाचे नाव आहे. तो रेल्वेने प्रवास करीत असताना ११ जुलै रोजी सकाळी ९ वाजण्यापूर्वी पोमेंडी गावातील रेल्वे बोगद्यात रेल्वेतून खाली पडून शरीराचे धड आणि डोके वेगळे झाल्याचे पोलिसांनी नमूद केले आहे. याप्रकरणी रत्नागिरी ग्रामीण पोलीस ठाण्यात आकस्मिक मृत्यूची नोंद करण्यात आली आहे.