रत्नागिरी : रत्नागिरीचा सांस्कृतिक वारसा जपण्यामध्ये गोगटे जोगळेकर महाविद्यालयाचा नेहमीच मोलाचा वाटा आहे. आजपर्यंत महाविद्यालयातून अनेक दिग्गज कलाकार निर्माण झाले, जे आज मराठी रंगभूमी, मालिका, चित्रपटात कार्यरत असून रत्नागिरीचे नाव मोठे करत आहेत.
विद्यार्थ्यांच्या अंतर्भूत कलागुणांना वाव देण्यासाठी दोन वर्षांपूर्वी गोगटे जोगळेकर ( स्वायत्त) महाविद्यालयात परफॉर्मिंग आर्ट्स ही शाखा सुरू करण्यात आली. ज्यामधून सध्याच्या स्पर्धेच्या युगात मुलांची अंगीभूत कला समृद्ध करतानाच त्यांना त्याविषयीचे परिपूर्ण ज्ञान देण्यासाठी विविध उपक्रमांचे आयोजन देखील केले गेले आहे.
वर्धापनदिनानिमित्त रत्नागिरीतील अनेक ज्येष्ठ रंगकर्मींनी या शाखेला भेट दिली. यामध्ये ज्येष्ठ रंगकर्मी मनोहर जोशी,अनुया बाम , सोनाली सावंत, विजय पोकळे,युवा रंगकर्मी दीपक माणगावकर, अजिंक्य केसरकर यांनी कौतुक केले. रत्नागिरी खबरदार चे संपादक हेमंत वणजू, पत्रकार दुर्गेश आखाडे,अमोल खापरे, लोकसत्ता चे श्री चव्हाण ,व्यावसायिक श्री व सौ सायली खेडेकर,महाविद्यालयाचे ज्येष्ठ लिपीक श्री नंदकिशोर गोळपकर, माजी सहकारी बापू गवाणकर , कनिष्ठ महाविद्यालयाचे उपप्राचार्य प्रा.सुनील गोसावी, क्रीडा विभाग प्रमुख डॉ. विनोद शिंदे, लीना सावंत,राजेश मालप ,डॉ. यास्मिन आवटे, रत्नागिरी एज्युकेशन सोसायटीचे कार्यवाह श्री सतीश शेवडे सहकार्यवाह प्रा. श्रीकांत दुदगीकर प्राचार्य डॉ. मकरंद साखळकर उपप्राचार्य डॉ. सीमा कदम समन्वयक डॉ. मीनल खांडके यांनी प्रत्यक्ष भेट दिली.
रत्नागिरी एज्युकेशन सोसायटीच्या कार्याध्यक्षा श्रीमती शिल्पाताई पटवर्धन, रत्नागिरी एज्युकेशन सोसायटीचे कार्यवाह श्री सतीश शेवडे ,रत्नागिरी एज्युकेशन सोसायटीचे सहकार्यवाह प्रा. श्रीकांत दुदगीकर,प्राचार्य डॉ.मकरंद साखळकर, प्रशासकीय उपप्राचार्य डॉ.सुरेंद्र ठाकूरदेसाई,उपप्राचार्य डॉ.अपर्णा कुलकर्णी, उपप्राचार्य डॉ. कल्पना आठल्ये, उपप्राचार्य डॉ.सीमा कदम समन्वयक डॉ.मीनल खांडके विभाग प्रमुख डॉ. आनंद आंबेकर आणि सर्व प्राध्यापक यांनी विद्यार्थ्यांना पुढील वाटचालीसाठी शुभेच्छा दिल्या.
