जाकादेवी /वार्ताहर
रत्नागिरी तालुक्यातील जि.प केंद्रीय शाळा ओरी नं. १ या शाळेतील रक्षाबंधनाचे औचित्य साधून शिक्षकांच्या मार्गदर्शनाखाली अतिशय आकर्षक राख्या तयार करून त्याची विक्री गावात केल्याने विद्यार्थ्यांच्या हस्तकौशल्याचे ग्रामस्थांनी विशेष कौतुक केले.
विद्यार्थ्यांनी तयार केलेल्या राख्या रक्षाबंधन दिनी शाळेतील विद्यार्थ्यांना भारतीय संस्कृतीचे संवर्धन करत औक्षण करून बांधल्या. शाळेत कार्यानुभव अंतर्गत विद्यार्थ्यांनी विविध प्रकारच्या रेखीव राख्या तयार केल्या होत्या.याच राख्यांचा उपयोग करून मुलांनी रक्षाबंधन कार्यक्रम उत्साहात साजरा केला.
मुलांनी तयार केलेल्या राख्या पालक वर्ग व ग्रामस्थांनी विकत घेऊन मुलांच्या हस्तकौशल्याचे गोड कौतुक केले. रक्षाबंधन कार्यक्रम पार पाडण्यासाठी शाळेचे मुख्याध्यापक श्री धनजंय आंबवकर, पदवीधर शिक्षिका सौ.समिक्षा पवार, श्री.गणपती पडुळे, श्री रामदास चव्हाण यांचे मोलाचे मार्गदर्शन लाभले. या स्तुत्य उपक्रमाचे शाळा व्यवस्थापन समितीचे अध्यक्ष संकेत उर्फ बंड्या देसाई, शिक्षक पालक संघाचे अध्यक्ष वसंत जाधव व समितीचे सर्व सदस्य यांनी अभिनंदन केले.
