रत्नागिरी: मुंबई विद्यापीठ संलग्न बॅचलर ऑफ परफॉर्मिंग आर्ट्स हा व्यावसायिक अभ्यासक्रम मुंबई विद्यापीठांमध्ये सर्वप्रथम गोगटे जोगळेकर महाविद्यालय (स्वायत्त) रत्नागिरी यांनी सुरू केला. कलेच्या व्यावसायिक शिक्षणाबरोबर आर्ट्स,कॉमर्सचे करिअर साठी आवश्यक असणारे विषय घेऊन पदवी घेणारे पहिले महाविद्यालय मुंबई विद्यापीठात ठरले आहे.
नाट्य ,संगीत हे मेजर विषय घेऊन इतर कला क्षेत्रातील लेखन कौशल्य ,सूत्रसंचालन कौशल्य ,फाईन आर्ट कौशल्य , डिजिटल आर्ट कौशल्य ,स्थानिक कल्चरल हेरिटेज चा अभ्यास करून पर्यटन विकासाची जाणीव निर्माण करणारा अभ्यासक्रम, इव्हेंट मॅनेजमेंट अशा जीवनामध्ये सर्व क्षेत्रात स्वावलंबी होऊन व्यावसायिक स्वावलंबी होण्यासाठी हे सर्व विषय उपयोगी पडतात. हे सर्व विषय प्रॅक्टिकल वरती आधारित असल्याने थेरीचा विषय कमी असतो आणि प्रॅक्टिकल वरती जास्त भर दिला जातो. मायनर डिग्री म्हणून समाजशास्त्र विषय घेतल्याने स्पर्धा परीक्षांचा अभ्यास करता येतो त्याचबरोबर पदव्युत्तर अभ्यासक्रम करता येतो. एम एस डब्ल्यू सारखा अनेक ठिकाणी उपयोगी असणारी पदवी घेत येते.त्याचबरोबर वाणिज्य शाखेतील मार्केटिंग विषयांमध्ये मायनरी डिग्री संपादन करून पदव्युत्तर अभ्यासक्रम करता येतो अनेक बँकिंग क्षेत्रातील परीक्षा देता येतात एम बी ए करून कार्पोरेट क्षेत्रातील व्यावसायाची दालने खुली होतात. असा आजच्या युगासाठी विद्यार्थ्यांचे परिपूर्ण व्यक्तिमत्व घडवण्यासाठी आणि व्यावसायिक संधीसाठी विद्यार्थी तयार होत आहेत.
पहिल्याच वर्षी दोन आंतरराष्ट्रीय स्तरावरती यश प्राप्त झाले आहे.लोककला कार्यक्रमात मनस्वी जाधव इटली येथे सहभागी झाली होती.तसेच विद्यार्थ्यांनी तयार केलेली शॉर्ट फिल्म आंतरराष्ट्रीय शॉर्ट फिल्म मध्ये क्रमांक मिळाला होता विद्यार्थी आणि शिक्षकांनी एकत्र येऊन फोक आर्केस्ट्रा सारखा व्यावसायिक कार्यक्रम सादर केला त्याचे या वर्धापन दिनी सादरीकरण झाले त्याचबरोबर स्पर्धेसाठी तयार केलेल्या दोन एकांकिकांचे काही भाग सादरीकरण झाले.
प्राचार्य डॉ.मकरंद साखळकर यांनी विद्यार्थ्यांच्या यशाबद्दल विभागाचे अभिनंदन केले आहे मेजर आणि मायनर डिग्री चे एकूण ९२ विद्यार्थी बॅचलर ऑफ परफॉर्मिंग आर्ट्स विभागांमध्ये ऍडमिशन घेतले आहे.विद्यार्थ्यांनी शिकत असतानाच व्यावसायिक कौशल्या बरोबर स्वतःच्या इनकम सोर्स कडे लक्ष दिले पाहिजे आणि त्या पद्धतीने व्यावसायिक कौशल्य वृद्धिंगत केली पाहिजेत असे आवाहन प्राचार्य यांनी केली आहे.
महाविद्यालय आणि विद्यार्थी यांच्याबरोबर विद्यार्थ्यांच्या पालकांनी या व्यावसायिक कौशल्य पदवीसाठी सर्वतोपरी सहकार्य करत असल्याबद्दल बॅचलर ऑफ परफॉर्मिंग आर्ट्सचे विभाग प्रमुख डॉ.आनंद आंबेकर यांनी समाधान व्यक्त केले आहे .त्याचबरोबर प्रा.वेदांग सौंदलगेकर , प्रा.हरेश केळकर , प्रा.कश्मीरा सावंत यांच्या सहकार्याबद्दल समाधान व्यक्त केले आहे.
बॅचलर ऑफ परफॉर्मिंग आर्ट्सच्या परीक्षा मंडळाचे सदस्य शलाका संधू ,ओंकार रसाळ ,ओंकार बंडबे ,कविता दळी, नंदकिशोर जुवेकर , शार्दुल मोरे उपस्थित होते. नंदकिशोर जुवेकर यांनी महाराष्ट्र शासनाच्या दशावतार प्रशिक्षणासाठी बॅचलर ऑफ परफॉर्मिंग आर्ट्सचे सहकार्य घेतल्याबद्दल 25000 चा चेक प्राचार्यांना सुपूर्त केला विभागाची यशस्वी वाटचाल सुरू असताना सर्व परीक्षा मंडळ सहकार्य करत आहे. सर्वांनी विभागाच्या यशस्वी कार्याबद्दल अभिनंदन केले आहे.
बॅचलर ऑफ परफॉर्मिंग आर्ट्स यशस्वी वाटचाली बद्दल रत्नागिरी एज्युकेशन सोसायटीच्या कार्याध्यक्षा श्रीमती शिल्पाताई पटवर्धन, कार्यवाह श्री.सतीश शेवडे ,सहकार्यवाह प्रा. श्रीकांत दूदगीकर महाविद्यालयाचे प्राचार्य डॉ.मकरंद साखळकर, प्रशासकीय उपप्राचार्य डॉ.सुरेंद्र ठाकूरदेसाई कला शाखेच्या उपप्राचार्या डॉ.कल्पना आठवले ,वाणिज्य शाखेच्या उपप्राचार्या डॉ.सीमा कदम विज्ञान शाखेच्या उपप्राचार्या डॉ. अपर्णा कुलकर्णी , समन्वयक डॉ. मीनल खांडके तसेच सर्व विभागाचे शिक्षक आणि शिक्षकेतर कर्मचाऱ्यांनी अभिनंदन केले आहे.
