आहार व पोषण विभागाला नवी बळकटी; विविध आजारांवर आता मिळणार वैयक्तिकृत आहार नियोजनाची सुविधा
चिपळूण: आधुनिक वैद्यकीय उपचारांमध्ये औषधांइतकेच योग्य आहार आणि पोषण व्यवस्थापनाला अनन्यसाधारण महत्त्व प्राप्त झाले आहे. हीच गरज ओळखून चिपळूण येथील नामांकित अपरांत मल्टीस्पेशालिटी हॉस्पिटलने आपल्या आहार व पोषण विभागाचा विस्तार केला असून, क्लिनिकल डायटिशियन व न्यूट्रिशनिस्ट Dt. जरीन दानिश शेख यांची नुकतीच नियुक्ती करण्यात आली आहे. त्यांच्या रुजू होण्याने हॉस्पिटलच्या आरोग्य सेवेला अधिक बळकटी मिळाली आहे.
Dt. जरीन दानिश शेख यांनी ‘न्यूट्रिशन अँड डायटेटिक्स’ या विषयात पदवी संपादन केली असून, क्लिनिकल न्यूट्रिशन आणि आहार व्यवस्थापनाच्या क्षेत्रात त्यांचा प्रदीर्घ अनुभव आहे. वजन नियंत्रण, मधुमेह, पीसीओएस/पीसीओडी (PCOS/PCOD), थायरॉईड, मूत्रपिंडाचे (किडनी) विकार, हृदयरोग तसेच लहान मुले व गरोदर महिलांसाठी विशेष आहार नियोजन या क्षेत्रांमध्ये त्यांनी उल्लेखनीय काम केले आहे. चिपळूण व परिसरातील शेकडो रुग्णांना त्यांच्या आहार उपचार व पोषण समुपदेशनाचा प्रत्यक्ष लाभ झाला आहे.
प्रत्येक रुग्णाची शारीरिक ठेवण, जीवनशैली आणि आजाराचे स्वरूप भिन्न असते. त्यामुळे सर्वांसाठी एकच साचा न वापरता रुग्णाच्या गरजेनुसार वैयक्तिकृत आहार आराखडा (Personalized Diet Plan) तयार करण्यावर Dt. शेख यांचा भर राहणार आहे. केवळ आहाराचे नियोजन न करता रुग्णांना दीर्घकालीन निरोगी जीवनशैली अंगीकारण्यासाठी योग्य समुपदेशनही या माध्यमातून दिले जाईल.
अपरांत हॉस्पिटलमध्ये मेडिसिन, सर्जरी, ऑर्थोपेडिक्स आणि फिजिओथेरपी अशा विविध सुपरस्पेशालिटी सेवा एकाच छताखाली उपलब्ध आहेत. आता या उपचार पद्धतींना शास्त्रोक्त पोषण व्यवस्थापनाची भक्कम जोड मिळाली आहे. Dt. जरीन दानिश शेख यांच्या नियुक्तीबद्दल हॉस्पिटल व्यवस्थापनाने त्यांचे स्वागत केले असून, त्यांच्या ज्ञानाचा आणि अनुभवाचा चिपळूणसह कोकणातील रुग्णांना मोठा फायदा होईल, असा विश्वास व्यक्त केला आहे.
