लांजा:अंजनारी येथील आजी-माजी सरपंचांसह ग्रामस्थांचा शिवसेनेत पक्षप्रवेश

पालकमंत्री उदय सामंत,आमदार  किरण सामंत यांच्या उपस्थितीत अनेकांचा शिवसेनेत प्रवेश

लांजा/अरबाज नेवरेकर : अंजनारी येथील आजी-माजी सरपंचांसह अनेक ग्रामस्थांनी पालकमंत्री उदय सामंत आणि आमदार किरण सामंत यांच्या नेतृत्वावर विश्वास व्यक्त करत शिवसेना पक्षात जाहीर प्रवेश केला. उदय सामंत आणि किरण सामंत यांच्या उपस्थितीत झालेल्या या पक्षप्रवेशामुळे अंजनारी परिसरात शिवसेना संघटनेला बळ मिळाले आहे.

या वेळी शिवसेनेत प्रवेश करणाऱ्या ग्रामस्थांचे उदय सामंत आणि किरण सामंत यांनी स्वागत केले. अंजनारी गावाच्या विकासासाठी शासनाच्या विविध योजनांचा प्रभावीपणे लाभ मिळवून देणे, ग्रामस्थांच्या मूलभूत समस्या सोडविणे तसेच रस्ते, पाणी, आरोग्य, शिक्षण, रोजगार आणि पायाभूत सुविधांशी संबंधित प्रश्नांना प्राधान्य देण्याची भूमिका यावेळी व्यक्त करण्यात आली.

अंजनारीतील ग्रामस्थांनी विकासाच्या मुद्द्यावर शिवसेनेसोबत काम करण्याचा निर्णय घेतल्याचे सांगितले. गावातील प्रलंबित प्रश्न प्रशासनाच्या माध्यमातून मार्गी लावण्यासाठी तसेच गावाच्या सर्वांगीण विकासाला चालना देण्यासाठी आगामी काळात सक्रियपणे काम करण्याचा निर्धार त्यांनी व्यक्त केला.

या पक्षप्रवेशामुळे अंजनारीतील शिवसेना संघटनेची ताकद वाढली असून, गावपातळीवर संघटनात्मक बांधणीला अधिक गती मिळण्याची अपेक्षा व्यक्त करण्यात आली. नव्याने पक्षात दाखल झालेल्या कार्यकर्त्यांच्या माध्यमातून ग्रामस्थांच्या प्रश्नांसाठी सातत्याने पाठपुरावा करण्याचा निर्धार यावेळी करण्यात आला.

या वेळी पक्षात प्रवेश करणाऱ्यांमध्ये गणेश जोशी, शब्बीर संग्रार, रविकांत शिखरे, प्रमोद कांबळे, संध्या तांबे, नामदेव पाष्टे, निरुद्दीन ठोंगे, शुभांगी शिर्के, सोना पेंढारी, वसंत जोशी, जयनुद्दीन ठोंगे आणि प्रकाश शिखरे यांच्यासह अनेक ग्रामस्थांचा समावेश होता. यावेळी शिवसेनेचे पदाधिकारी, कार्यकर्ते आणि ग्रामस्थ उपस्थित होते.