मुख्यमंत्री सहाय्यता कक्ष रत्नागिरीच्या माध्यमातून नवनिर्मिती सामाजिक संघटनेचा आरोग्य जनजागृती उपक्रम-अध्यक्ष दत्तात्रय खातू
संगमेश्वर: नवनिर्मिती सामाजिक संस्थेच्या माध्यमातून पंचक्रोशीतील नागरिकांसाठी मुख्यमंत्री सहाय्यता कक्षाच्या माध्यमातून विविध शासकीय योजनांबाबत मार्गदर्शन करण्यात आले. या उपक्रमाद्वारे पात्र लाभार्थ्यांना शासनाच्या विविध योजनांची माहिती देऊन अर्ज प्रक्रियेसाठी मदत करण्यात आली. संस्थेच्या पदाधिकाऱ्यांनी लोकांच्या अडचणी समजून घेत त्यांचे निराकरण करण्यासाठी पुढाकार घेतला. ग्रामीण भागातील प्रत्येक गरजू नागरिकापर्यंत शासनाच्या योजना पोहोचाव्यात हा या उपक्रमाचा प्रमुख उद्देश असल्याचे नवनिर्मिती सामाजिक संस्थेकडून सांगण्यात आले.
मुख्यमंत्री सहाय्यता कक्ष रत्नागिरीच्या माध्यमातून नवनिर्मिती सामाजिक संघटनेचा आरोग्य जनजागृती उपक्रम-अध्यक्ष दत्तात्रय खातू
नवनिर्मिती सामाजिक संघटनेच्या माध्यमातून मुख्यमंत्री सहाय्यता कक्ष रत्नागिरीच्या सहकार्याने आरोग्यविषयक विविध लाभाच्या योजना तळागाळातील जनतेपर्यंत पोहोचवण्याचा संकल्प करण्यात आला आहे. ग्रामीण आणि दुर्गम भागातील नागरिकांना शासनाच्या आरोग्य योजनांची माहिती मिळावी, तसेच त्यांचा प्रत्यक्ष लाभ घेता यावा यासाठी संघटनेने विशेष मोहीम सुरू केली आहे. या माध्यमातून महाआरोग्य योजना, महिला व बालआरोग्य योजना, जेष्ठ नागरिकांसाठी आरोग्य तपासणी शिबिरे आणि विविध वैद्यकीय सहाय्य योजनांचा प्रसार केला जाणार आहे.
संघटनेचे अध्यक्ष दत्तात्रय खातू यांनी सांगितले की, “प्रत्येक नागरिकापर्यंत शासनाच्या आरोग्य योजनांचा लाभ पोहोचवणे हेच आमचे प्रमुख ध्येय आहे. मुख्यमंत्री सहाय्यता कक्षाच्या मदतीने आम्ही तळागाळातील जनतेसाठी आरोग्यसेवेचे नवे दालन उघडणार आहोत.”
रत्नागिरी जिल्हाधिकारी कार्यालयातील मुख्यमंत्री सहाय्यता कक्षाचे अधिकारी ग्रामीण भागाच्या दालनात
रत्नागिरी जिल्हाधिकारी कार्यालयातील मुख्यमंत्री सहाय्यता कक्षाचे अधिकारी अलीकडेच ग्रामीण भागाच्या दालनात पोहोचले असून, त्यांनी जनतेच्या समस्या प्रत्यक्ष ऐकून घेतल्या. ग्रामीण नागरिकांना शासनाच्या विविध आरोग्य, शिक्षण, निवारा आणि सामाजिक कल्याण योजनांबाबत माहिती देत मार्गदर्शन करण्यात आले. या उपक्रमाद्वारे शासन आणि जनतेमधील अंतर कमी करण्याचा प्रयत्न होत असून, प्रत्येक लाभार्थ्याला शासनाच्या सहाय्याचा थेट लाभ मिळावा हा उद्देश ठेवण्यात आला आहे.
या बैठकीस संस्थेचे अध्यक्ष रमजान गोलंदाज, सचिव राजेश आंबेकर, ज्येष्ठ सदस्य सलाउद्दीन बोट आणि डॉक्टर सलीम सय्यद तसेच उपकमिटीचे अध्यक्ष दत्ताराम खातु, कार्याध्यक्ष जमूरत अलजी, सचिव मुजम्मिल काझी, सहसचिव कौस्तुभ धनावडे, खजिनदार ओंकार वीरकर , कार्यवाह अभिजीत किंजळे, उपाध्यक्ष सुहास किंजळे, निसार केळकर, अमोल वाडकर, अमोल पाटणे, यासीन सनगे, मनोज पांचाळ (जिजाऊ संस्था), संजय मापुस्कर, विजय चव्हाण, रवींद्र किंजळे, मनोहर शिवगण निलेश जाधव, रमेश मेस्त्री, सौ रुतुजा मेस्त्री, वसंत मेस्त्री, प्रवीण मापुस्कर, संतोष सांडीम, राजेश धामणे, राजेश रेवाळे, तैमुर अलजी, शांताराम भारती, साहिल गोरे, प्रदीप सोलकर आदी उपस्थित होते.
