न्यू इंग्लिश स्कूल, लांजा येथे अत्याधुनिक आयटी लॅबचे उद्घाटन

लांजा/अरबाज नेवरेकर:- लांजा येथील न्यू इंग्लिश स्कूल अँड तुकाराम पुंडलिक शेट्ये कनिष्ठ महाविद्यालय, लांजा मध्ये विद्यार्थ्यांना आधुनिक तंत्रज्ञानाधारित शिक्षणाची संधी उपलब्ध करून देण्याच्या उद्देशाने उभारण्यात आलेल्या अत्याधुनिक आयटी लॅबचे उत्साहपूर्ण वातावरणात उद्घाटन उद्घाटन सोहळा पार पडला

न्यू एज्युकेशन सोसायटी, लांजाचे चेअरमन जयवंत शेट्ये यांच्या अध्यक्षतेखाली झालेल्या या कार्यक्रमात मान्यवरांच्या हस्ते श्रीफळ वाढवून, फीत कापून आणि दीपप्रज्वलन करून आयटी लॅबचे उद्घाटन करण्यात आले.

यावेळी संस्थेचे सचिव महेश सप्रे, सहसचिव राजेश शेट्ये, संचालक प्रसन्न शेट्ये व सचिन भिंगार्डे, सल्लागार विजय बेर्डे व संतोष कोलते यांच्यासह प्रशालेचे उपमुख्याध्यापक मंगेश वाघाटे, पर्यवेक्षक रविंद्र वासुरकर, आयटी शिक्षक प्रा. सचिन जोशी, शिक्षक-शिक्षकेतर कर्मचारी आणि विद्यार्थी मोठ्या संख्येने उपस्थित होते.

विद्यार्थ्यांना संगणकीय ज्ञान, डिजिटल कौशल्ये तसेच आधुनिक तंत्रज्ञानाची ओळख करून देण्यासाठी ही आयटी लॅब उपयुक्त ठरणार आहे. भविष्यातील स्पर्धात्मक युगात विद्यार्थ्यांना तंत्रज्ञानाच्या क्षेत्रात सक्षम करण्यासाठी या सुविधेचा मोठा फायदा होईल, असा विश्वास उपस्थित मान्यवरांनी व्यक्त केला.

कार्यक्रमाचे सूत्रसंचालन व निवेदन ललिता कल्लोळे यांनी केले, तर नामदेव यमगर यांनी आभार मानले. विद्यार्थ्यांच्या सर्वांगीण विकासासाठी डिजिटल शिक्षणाच्या दिशेने टाकलेले हे महत्त्वपूर्ण पाऊल असल्याची भावना यावेळी व्यक्त करण्यात आली.