वाशी तर्फे संगमेश्वर ग्रामपंचायतीचे कर्मचारी रवींद्र सनगरे यांचे निधन; उपचारादरम्यान मुंबईत घेतला अखेरचा श्वास

संगमेश्वर : तालुक्यातील वाशी तर्फे संगमेश्वर ग्रामपंचायतीचे कर्मचारी श्री. रवींद्र सनगरे यांचे मुंबई येथे उपचारादरम्यान २ ऑगस्ट रोजी निधन झाले. ते वाशी तर्फे संगमेश्वर ग्रामपंचायतीमध्ये शिपाई पदावर कार्यरत होते. अतिशय सुंदर हस्ताक्षर आणि प्रामाणिकपणा यामुळे गावामध्ये त्यांचा विशेष नावलौकिक होता. त्यांच्या निधनामुळे ग्रामपंचायतीने एक कर्तव्यदक्ष आणि चांगला कर्मचारी गमावला आहे, अशी भावना सरपंच सौ. तन्वी गानू यांनी व्यक्त केली असून गावाच्या वतीने त्यांना भावपूर्ण श्रद्धांजली वाहण्यात आली आहे. त्यांच्या पश्चात पत्नी, मुली आणि मुलगा असा परिवार आहे. त्यांच्यावर ३ ऑगस्ट रोजी सोमवारी वाशी येथे अंत्यविधी करण्यात येणार आहेत.