चिपळूण : चिपळूण परशुराम घाट ते खेरशेत इगल कंपनीचे सुपर व्हायझर शहाबुद्दीन यांना घेऊन रस्त्यालगत व मध्य भागात वृक्ष लागवडी बाबत पाहणी करण्यात आली. गेल्या वर्षी लावलेल्या झाडामध्ये ४० टक्के झाडे जगलेली आहेत. २० टक्के झाडे ही आता मूळ जिवंत असल्याचे जलदूत शहानवाज शाह यांनी सांगितले.
मुंबई गोवा महामार्गाचे काम सुरू आहे. या महामार्गावरील रुंदीकरणात येणारी झाडे तोडण्यात आली. मात्र त्या बदल्यात नवीन वृक्षारोपण करण्याचे सूचित करण्यात आले होते. त्याप्रमाणे परशुराम ते खेरशेत यादरम्यान लावलेल्या झाडांची ईगल कंपनीचे सुपरवायझर शहाबुद्दीन यांना प्रत्यक्ष जागेवर जाऊन शाहानवाज शाह यांनी लावलेल्या झाडांची माहिती करून दिली. गेल्या वर्षी लावलेल्या झाडामध्ये ४० टक्के झाडे जगलेली आहेत. २० टक्के झाडे आता मूळ जिवंत असल्याचे दिसून आले. त्यांना पालवी आलेली आहे. तर या रोपंकडे अजिबात लक्ष न दिलेने ४० टक्के झाडे मृत पावलेली आहेत. या झाडांची लागवड करणे फार गरजेचे आहे. तसेच या भागात वाढलेले गवत तातडीने काढणे गरजेचे आहे. तसेच मध्यभागी मोठ्या प्रमाणात झुडुप वर्गीय रोपे लावणे गरजेचे आहे. काही ठिकाणी मिडीयनमध्ये मातीच्या जागी काँकरीट टाकलेले आढळून येतं आहे. तर काही ठिकाणी दगड गोटे आहेत. या सर्व बाबी शहाबुद्दीन यांना प्रत्यक्ष जागेवर दाखवून दिलेल्या आहेत. सदर कामे १५ जुलैच्या आत पूर्ण करुन देतो असे शहाबुद्दीन यांनी आश्वासन दिलेले आहे
