उपाध्यक्षपदी आनंद तापेकर आणि अमित विलणकर
रत्नागिरी : रत्नागिरी जिल्हा कुस्ती असोसिएशनच्या वार्षिक सर्वसाधारण सभेत २०२५ ते २०३० या आगामी पाच वर्षांच्या कालावधीसाठी नवीन कार्यकारिणीची घोषणा करण्यात आली. या महत्त्वपूर्ण निवडीमध्ये श्रीकृष्ण उर्फ भाई विलणकर यांची अध्यक्षपदी, तर डॉ. चंद्रशेखर केळकर यांची कार्याध्यक्षपदी निवड झाली आहे. जिल्ह्याच्या कुस्ती क्षेत्राला नवी दिशा देण्यासाठी आणि या खेळाला प्रोत्साहन देण्यासाठी ही नवीन कार्यकारिणी कटिबद्ध राहील, अशी अपेक्षा व्यक्त होत आहे.
नव्याने निवडलेल्या या कार्यकारिणीत अनुभवी आणि युवा नेतृत्वाचा योग्य समन्वय साधण्यात आला आहे. यामध्ये उपाध्यक्षपदी अमित विलणकर आणि आनंद तापेकर यांची निवड झाली आहे. तसेच, सदानंद जोशी प्रमुख कार्यवाह, योगेश हरचेकर आणि वैभव चव्हाण सह कार्यवाह, तर अंकुश कांबळे खजिनदार म्हणून जबाबदारी सांभाळतील.
कार्यकारिणी सदस्यांमध्ये संतोष कदम, सौरभ मलुष्टे, फैय्याज खतीब, राजेंद्र नेवरेकर, आनंदा सनगरे, स्वप्निल घडशी, आनंद दुधाळ, संतोष गोसावी, प्रसाद करमरकर आणि निलम कुळकर्णी यांचा समावेश आहे. निमंत्रित सदस्य म्हणून संदेश चव्हाण, अभिषेक पवार, दिलीप कारेकर, मानसिंग पवार, रविंद्र वासुरकर, सुयोग कासार, ऋषीकेश शिवगण, संदिप गुरव आणि कमल नितोरे यांची निवड झाली आहे. या कार्यकारिणीला प्रसाद गवाणकर, श्रीकांत वैद्य, दिनकर पवार आणि अमित नेवरेकर हे सल्लागार म्हणून मार्गदर्शन करतील.
या निवडीमुळे रत्नागिरी जिल्ह्यातील कुस्ती खेळाला निश्चितच अधिक गती मिळेल आणि नवीन पैलवान घडण्यास मदत होईल, अशी आशा व्यक्त केली जात आहे. नवनियुक्त पदाधिकाऱ्यांनी जिल्ह्याच्या कुस्ती क्षेत्राच्या विकासासाठी आपण पूर्णपणे कटिबद्ध असल्याचे यावेळी सांगितले.
