चिपळूण : गुरुपौर्णिमेनिमित्त वीर देवपाट गावातील विविध शाळांमध्ये “अनुलोम” हा कार्यक्रम अत्यंत उत्साहात साजरा करण्यात आला. न्यू इंग्लिश स्कूल, जिल्हा परिषद प्राथमिक शाळा वीर क्र. १ ते ६ या सर्व शाळांमध्ये हा कार्यक्रम पार पडला.
कार्यक्रमात गावातील अनेक मान्यवर उपस्थित होते. सरपंच यांच्या मार्गदर्शनाखाली आणि सूचनेनुसार या कार्यक्रमाचे नियोजन करण्यात आले होते. नियोजनपूर्वक आणि शिस्तबद्ध रित्या कार्यक्रम पार पडल्यामुळे सर्वच स्तरातून समाधान व्यक्त करण्यात आले.
या कार्यक्रमातून विद्यार्थ्यांमध्ये गुरुप्रती आदरभाव आणि संस्काराची जाणीव निर्माण झाली. ग्रामस्थ, शिक्षकवृंद आणि पालकवर्ग यांनी देखील कार्यक्रमाचे भरभरून कौतुक केले.
