राजापूर (प्रतिनिधी) –
राजापूर शहर व परिसरातील विविध स्थानिक प्रश्नांवर तोडगा निघावा, या मागणीसाठी मनसे कार्यकर्ते अमृत तांबडे यांनी उद्यापासून राजापूर तहसीलदार कार्यालयासमोर अनिश्चितकालीन उपोषण सुरू केले आहे.
तांबडे यांनी मांडलेल्या प्रमुख मागण्या अशा आहेत –
◼️राजापूर शहरात पोलिसांसाठी निवासी घरे उपलब्ध करून द्यावीत.
◼️राजापूर बाजारपेठेत मच्छी व कोंबडी विक्रेते नदीत टाकणारी घाण थांबवावी.
◼️‘जवाहर चौक ते तालीमखाना’ रस्त्याचे काम करणाऱ्या कॉन्ट्रॅक्टरला तालुक्यात कुठेही काम देऊ नये.
◼️कोदवली धरण बांधकामास त्वरित सुरुवात करावी आणि विलंबाबाबत कॉन्ट्रॅक्टरवर कारवाई करावी.
◼️प्रांत कार्यालयाच्या उद्घाटनाला एक वर्ष उलटूनही इमारत पूर्ण न झाल्याने त्वरित काम सुरू करावे.
◼️राजापूर शहरातील मराठी शाळांना निधी उपलब्ध करून द्यावा.
◼️कोदवली पुनर्वसनातील पात्रांना तातडीने प्लॉट वाटप करावे.
तांबडे यांनी सांगितले की, “स्थानिक समस्या वर्षानुवर्षे प्रलंबित असून प्रशासनाकडून केवळ आश्वासने दिली जात आहेत. प्रश्न सुटेपर्यंत उपोषण सुरूच राहील.”
